काठमाडौं । आज नेपालमा छापावाल सुनको मूल्य हालसम्मकै सबैभन्दा बढी कायम भएको छ । सुनचाँदी व्यवसायी महासंघका अनुसार शुक्रबार सुनको मूल्य प्रति तोला १ लाख ३ हजार ५ सय रुपैयाँ पुगेको छ ।
यसअघि बिहीबार सुन एक लाख २ हजार ५ सय रुपैयाँमा कारोबार भएको थियो । आज चाँदीको मूल्य पनि बढेको छ ।
शुक्रबार चाँदी प्रतितोलामा ६० रुपैयाँले बढेर एक हजार ४ सय ५ रुपैयाँमा कारोबार भैरहेको छ ।
सुनको उत्पादनमा कमि र ठूला राष्ट्रबीचमा भएको द्वन्दका कारण सुनको मूल्य निरन्तर उकालो लाग्दै गएको हो ।
