काठमाडौँ । नेपालमा आज थप ५ सय ३५ जनामा कोरोना संक्रमणको पुष्टि भएको छ । योसँगै नेपालमा कुल सङ्क्रमित सङ्ख्या ९ हजार ५ सय ६१ पुगेको स्वास्थ्य तथा जनसङ्ख्या मन्त्रालयमा अयोजित पत्रकार सम्मेनलमा प्रवक्ता प्रा.डा. जागेश्वर गौतमले जानकारी दिएका छन् ।
हालसम्म नेपालमा १ लाख ८१ हजार ३ सय ७१ जनामा कोरोनाको परीक्षण गरिसकिएको छ । यस्तै थप ३ सय ७० जना निको भएर डिस्चार्ज भएका छन् ।
हालसम्म कुल डिस्चार्ज हुनेको सङ्ख्या २ हजार १ सय ४८ पुगेको छ । नेपालमा अहिलेसम्म कोरोना भाइरस (कोभिड–१९) संक्रमणबाट २३ जनाको मृत्यु भैसकेको छ ।
हालसम्म नेपालमा ७६ जिल्लामा कोरोना संक्रमण फैलिएको छ । बाग्मती प्रदेशको रसुवा जिल्लामा भने हालसम्म कोरोना संक्रमित भेटिएका छैनन् ।
