Listen Gurkha Radio (गोर्खा रेडियो सुन्नुहोस)
सुजन पराजुली,
यही जनवरी २१ तारिखका दिन गभर्नर चिरन्जीवी नेपालद्वारा ग्लोबल आइएमइ बैंकको बेलायतस्थित सम्पर्क कार्यालयको औपचारिक उद्घाटन गरिने भएको छ । गर्भनर नेपालका साथमा ग्लोबल आइएमई ग्रुपका प्रमुख चन्द्र ढकाल समेतको टोलि लन्डन आउने भएको छ । एक दशकभन्दा बढी समयदेखि निरन्तर सेवा दिँदै आएको ग्लोबल आइएमइ बैंकको कूल चुक्ता पुँजी ८ अर्व ८८ करोड छ । १ सय १३ शाखा, ४ एक्सटेन्सन काउन्टर, ५७ शाखा, १ सय २७ एटिएमबाट सेवा दिँदै आएको सो बैंकले बेलायतमा पनि सम्पर्क कार्यालयको स्थापन गरेको हो । यसअघि सो बैंकले बेलायतबाटै बैंक अफ दी इएर २०१४ र वेष्ट इन्टरनेट बैंक २०१६ को अवार्ड जितेको थियो । करिब ८ लाख ग्राहकले कार्यरत ग्लोबल बैंकमा १४ सय कर्मचारी कार्यरत छन् । अष्ट्रेलिया तथा भारतमा समेत आफ्नो सम्पर्क कार्यालय स्थापना गरिसकेको ग्लोबल आइएमइ बैंक नेपालको ‘क’ वर्ग अन्तर्गत संचालित बैंक अन्तर्गत पर्दछ । 
बेलायतमा पनि आफ्नो शाखा संचालन गर्ने उद्देश्यले सन् २०१७ को नोभेम्बर महिनाबाट बेलायतको अल्डरसटमा ग्लोबल आइएमइ बैंकले आफ्नो सम्पर्क कार्यालयको स्थापना गरी बैंक सम्बन्धी आवश्यक परामर्श दिंदै आइरहेको छ । शाखा संचालनको लागि बेलायतको व्यवस्था अनुसारका थुप्रै प्रकृयाहरू पूरा गर्नुपर्ने भएकोले केही समय लाग्ने हुँदा सम्पर्क कार्यालयको माध्यमबाट आवश्यक सरसल्लाह र सुझाव प्रदान गरिने बेलायतका लागि ग्लोबल आइएमइ बैंकका स्थायी प्रतिनिधि अमित चालिसेले बताएका छन् ।
गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोला र ANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ । 
