दर खाने दिनदेखि पंचमी सम्म नचाउदै गायिका सुनिता दुलाल

गोर्खा रेडियो, हिन्दू नारीहरुले परापूर्वकालदेखि मनाउंदै आएको अनि हिजोआज सबै महिलाहरुको प्रिय बन्न सफल चाड तीज आउन अब एक महिना भन्दा पनि कम छ । तर तीजको रौनक भने निकै अगाडीदेखि नै शुरु भैसकेको छ । नेपाली कलाकारहरुले पनि तीजको गीतको अवसर पारेर थुप्रै गीतहरु सार्वजनिक गरिसकेका छन् । तीजको गीतमा आफ्नो छुट्टै पहिचान बनाउन सफल अनि देश विदेशमा समेत निकै लोकप्रिय बन्दै आएकी गायिका सुनिता दुलालले भर्खरै मात्र आफ्नो तीजको गीत सार्वजनिक गरेकी छन् । उनले आफ्नो “ दर खाने दिन” नामक एल्बमको सार्वजनिक गरेकीछन् ।

लाउन रातो लाए पनि हेर्दा छुट्टा छुट्टै
कोइको देख्न सादा सादा कोइको बुट्टा बुट्टा
कतै राता जामा कुर्था कतै राता सारी
नाच्न गाउन तयारीमा बसेका छन नारी
हे नाच्न पर्छ,नाच्न पर्छ छम्म छम्म छम्म
दर खानि दिन देखी पञ्चमी सम्म ।

कुमार बिबहितको शब्द, बी बी अनुरागीको संगीतमा गायिका सुनिता दुलालको स्वरमा सजिएको “ नाच्नुपर्छ” बोलको म्यूजीक भीडीयो सुनिता दुलालको आफ्नै युट्युब च्यानल मार्फत सार्वजनिक भएको छ | म्यूजिक भीडियोमा गायिका स्वयं अनि राधा लम्सालको अभिनय हेर्न पाइनेछ भने गोबिन्द राईको निर्देशन तथा कोरियोग्राफीमा तयार गरिएको उक्त म्यूजिक भीडीयोमा मधुर बस्नेतको छायांकन तथा निशान घिमिरेको सम्पादन रहेको छ |

तीजको गीत हेर्नुहोस ।