लन्डन,बेलायत निवासी नायक ध्रुव दत्तको पहलमा बरिष्ठ कलाकार दिपक क्षेत्रीको स्वास्थ्य उपचारका लागि बेलायतबासी नेपालीहरूले दुई लाख पचास हजार आर्थिक सहयोग उपलब्ध गराएका छन् । उक्त संकलित रकम बिहीबार क्षेत्रीकै निबासस्थान काठमाण्डौको डिल्लीबजारमा सन्चारकर्मी राजन घिमिरे र बेलायत मै बस्दै आएका नाट्यकर्मी सनमकुमार बैरागद्वारा संयुक्त रूपमा हस्तान्तरण गरिएको थियो । रकम हस्तान्तरण कार्यक्रममा प्रबासी नेपालीहरूको माया र साथ आफूले सधै पाएको कुरा बताउंदै कलाकार क्षेत्रीले बेलायतमा रकम संकलन गर्दिनु हुने अभिनेता धु्र्ब दत्तलाई धन्यवाद दिनु भयो । अभिनेता दत्तले बरिष्ठ कलाकारलाई सहयोग गर्न पाउनुलाई बेलायतबासीहरूले धन्य ठानेको कुरा बताएका छन् । केही समय अगाडि बिरामी क्षेत्रीको दर्दनाक अन्तर्वार्ताको भीडियो संचार माध्यममा सार्वजनिक भएपछि उनको सहयोगका लागि संसारभरिका नेपालीहरुले सहयोग रकम संकलन गर्न थालेका हुन् । कलाकार क्षेत्री बिगत चार वर्षदेखि घाँटीमा मासु पलाएका कारण बिरामी परेका थिए ।

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोला र ANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ ।