Listen Gurkha Radio ( गोर्खा रेडियो सुन्नुहोस)

गोर्खा रेडियो, विश्व कीर्तिमान कायम राख्नको लागि सगरमाथा आरोहण गर्न लागेका ८६ वर्षीय मीन बहादुर शेरचनको आरोहणका क्रममा एभेरेष्ट वेसक्याम्पमा मृत्यु भएको छ । सन् २०१५ मा पनि सगरमाथा आरोहणका लागि आधारशिविर तर्फ जादै गर्दा मुलुकमा आएको महाभूकम्पका कारण आरोहण स्थगित भएको थियो । शेरचनले सन् २००८ मा ७६ वर्षको उमेरमा सगरमाथाको सफल आरोहण गरेर विश्व कीर्तिमान कायम गरेका थिए । पछि ८० वर्षीय एक जापानीले उक्त कीर्तिमान हात पारेका थिए । आरोहणका लागि उनको दललाई म्याग्दी प्रवासी नेपाली संघ बेलायत, गैरआवासीय नेपाली संघ बेलायत, थकाली समाज बेलायत र मगर समाज बेलायतले सहयोग गरेका थिए । शेरचनको आरोहणका लागि करिब ९५ लाख रुपैयाँको तयारी गरेको थियो ।

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोला र ANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ ।