आयरल्याण्डका राष्ट्रपति समक्ष्य राजदूत डा. सुवेदीद्वारा ओहोदाको प्रमाणपत्र पेश

>
<लन्डन, २७ अप्रिल २०१७ बिहीवारका दिन बेलायतका लागि नेपाली राजदूत डा. दुर्गाबहादुर सुवेदीले राष्ट्रपति भवनमा आयोजना गरिएको एक विशेष कार्यक्रममा आयरल्याण्डका राष्ट्रपतिसमक्ष आफ्नो ओहदाको प्रमाणपत्र पेश गरेका छन । राष्ट्रपति विद्यादेवी भण्डारीद्वारा राष्ट्रपति माइकल डी हिग्गिन्सको व्यक्तिगत सुख, शान्ति र सुस्वास्थ्यका साथै बेलायती जनताको शान्ति, प्रगति एवं सम्वृद्धिको कामना स्वरूप पठाएको शन्देश रप्रधानमन्त्री पुष्पकमल दाहालले नेपाल र नेपाली जनताको तर्फबाट पठाएको शुभेक्ष्या तथा शुभकामना डा. सुवेदीले प्रस्तुत गरेका थिए ।
केहि समय अघि मात्र राष्ट्रपति श्रीमती विद्यादेवी भण्डारीद्वारा राजदूत दुर्गाबहादुर सुवेदीलाई आयरल्याण्डला लागि गैरआवासीय राजदूतको रुपमा नियुक्ती गरेकी थिइन् । कार्यक्रममा राष्ट्रपति हिग्गिन्सले राजदूत सुवेदीको सफल कार्यकालको कामना गर्दै बेलायत र नेपालबीचको सम्बन्ध अझ बढी सुद्रिढ र सुमधुर हुँदै जानेमा आफू विस्वस्त रहेको धारणा ब्यक्त गरेका थिए । सो कार्यक्रमा आयरल्याण्डको डब्लिनस्थित राष्ट्रपति भवनमा सम्पन्न भएको थियो ।