बिनोद घिमिरेको “नक्कली” को म्यूजिक भीडियो सार्वजनिक

/ १२ बैशाख २०७४, मंगलवार २१:५६ प्रकाशीत

कला संस्कृति मंचको प्रस्तुति तथा एक्स्पर्ट एजुकेशन एण्ड भीसा सर्विसेजको लागानीमा अष्ट्रेलियाको मेलबर्न निवासी बिनोद घिमिरेको स्वरमा रहेको “नक्कली” बोलको गीतको म्यूजिक भीडियो भर्खरै मात्र सार्वजनिक भएको छ । बिनोद घिमिरेको स्वर तथा संगीतमा सजिएको उक्त गीतको म्यूजिक भीडीयोलाई बलिवुडका सुपर स्टारहरुसँग काम गरिसकेका दीपक सिंह रावतको नृत्यले निकै आकर्षक बनाएको छ । नेपाल लगायत अष्ट्रेलियामा आफ्नो छुट्टै अस्तित्व कायम गर्दै आएका निकै ब्यस्त छायाकार जीवन रसाइलीको छयांकन रहेको यस म्यूजिक भीडियो विदेशीको कोरियोग्राफ र विदेशीको अभिनय रहेको पहिलो र निकै महँगो पनिरहेको बिनोद घिमिरेले बताएका छन् । म्यूजिक भीडीयोमा दीपक रावतलाई विदेशी कलाकार एन्ज सीमातोस, लाउरा केल्ली र नोल्ली वीक्सले साथ् दिएका छन् । विदेशी भूमिमा बसेर नेपाली भाषा, साहित्य र कला संस्कृति प्रतिको मोह प्रशंसनीय छ । गायक बिनोद घिमिरेले नेपाली सांगीतिक आकाशमा आधा दर्जन जति गीत गाइसकेका छन् भने पहिलो पल्ट नेपाली लोक दोहोरी गीत (तीज) विदेशमा छायांकन गरेर छुट्टै इतिहाँस समेत कोरिसकेका छन् । साहित्यमा समेत रुचिरहेका घिमिरेले पुस्तक समेत प्रकाशन गरिसकेका छन् ।