रंगहरुसँग रमाउँदै बेलायतमा मनाइयो होली- फोटोफिचर

लन्डन, नेपाली परम्परा र संस्कृतिको एउटा उल्हासमय पर्वको रुपमा मानिंदै आएको फागुपूर्निमा अर्थात होलीको अवसरमा बेलायतका विभिन्न स्थानहरुमा नेपालीहरुले एकआपसमा शान्ति, सद्भाव, मित्रता र आत्मीयताको भावना साटासाट गर्दै रंगको माध्यमबाट फागुपूर्निमा अर्थात होली मनाएका छन् । होली पर्वको आफ्नै महत्व र विशेषता रहेको पाइन्छ । भौगोलिक क्षेत्रलाई आधार मानेर नेपालमा होली दुई दिन मनाउने गरिन्छ । फागुन शुक्ल पूर्णिमाका दिन मनाइने होली अर्थात फागुपूर्नीमासँगै वसन्त ऋतुको पनि आगमन हुने भएको हुँदा खुसीयाली स्वरूप एक आपसमा रंग दलेर हर्षोल्लासका साथ् मनाइन्छ । फागुपूर्णिमाको अघिल्ला दिन साँझ होलिका दहन गरेपछि भोलिपल्ट रंग लगाएर होली मनाइन्छ । शान्ति, सद्भाव,मित्रता र आत्मीयताको भाव बोकेको होली पर्वलाई हिजो आज विकृतिको रुपमा हेर्ने गरिन्छ ।