शिव परियार र स्वेच्छा भन्छन “यो दुनियाँको के भर”

/ २१ फाल्गुन २०७३, शनिबार १०:२१ प्रकाशीत

गोर्खा रेडियो, लोकप्रिय गायक शिव परियार र स्वेच्छा ठकुरीको स्वरमा सजिएको नेपाली चलचित्र “निर्भय” को एउटा रोमान्टिक गीत सार्वजनिक भएको छ । देवी प्रसाद पाण्डेद्वारा निर्मित तथा प्रसिद्धि सिने आर्ट्सको पहिलो प्रस्तुति नेपाली चलचित्र निर्भयको लागि लागि गाइएको उक्त गीतको मधुसुदन भट्टराईले निर्देशन गरेका हुन् । “यो दुनियाँको भर के” बोलको गीतलाई चर्चित संगीतकार अर्जुन पोखरेलले संगीत दिएका हुन् । यस गीतमा अभिनेता निखिल उप्रेती र अभिनेत्री नीता ढुंगानाको साथमा सुशील पोख्रेल,विकास चापागाईं, विशाल पहाडी, कृष्ण शिवाकोटी,प्रदिप ढकाल, प्रज्वल गिरी र रश्मि भट्ट जस्ता कलाकारहरुले अभिनय गरेका छन् । यम थापाको लेखन, रामशरण उप्रेतीको छायांकन, अर्जुन पोखरेल र ताराप्रकाश लिम्वुको संगीत, रामजी लामिछानेको नृत्य निर्देशन रहेको चलचित्र निर्भयमा हिमाल केसीको एक्शन रहेको छ । वि.स. २०७३ सालको अन्तिम अर्थात चैत्र ११ गतेबाट यस चलचित्रको प्रदर्शनी गरिने भएको छ ।