तेरिया मगरलाई “झलक दिखला जा” को उपाधि

/ ७ माघ २०७३, शुक्रबार १८:३७ प्रकाशीत

नेपालको रुपन्देही जिल्लाको रुद्रपुर निवासी १४ वर्षीय तेरिया फौजा मगर भारतीय सिनियर डान्स स्टारबीचको प्रतिस्पर्धामा उपाधी हात पार्न सफल भएकी छन् । एसएमएसमा सबै प्रतिश्पर्धीलाई पछि पार्दै उनि ट्रफीको हकदार बनेकी हुन् । भारतीय टेलिभिजन कलर्सको “झलक दिख्ला जा” भन्ने रियालिटी शोमा उनले विजय प्राप्त गरेकी हुन् । फाइनलका तीनजना मध्य तेरिया नै अगाडी थिइन्, गत शनिवारको एपिसोडमा उनले ४० मा ४० नै अंक प्राप्त गरेकी थिइन् । “झलक दिख्ला जा” भारतीय टिभी शोमा अत्यधिक पुरस्कार राशि भएको कार्यक्रम हो । उक्त शोबाट विजय प्राप्त गरेपछी तेरिया फौजा मगरले ३० लाख भारतीय रुपैयाँ र रोनाल्ड डस्टर ब्रान्डको कार पनि पाउने छिन । उनलाई आधिकारिक विजयको घोषणा भने भोलि शनिबार मात्र हुने छ । सन् २०१४ मा जी टिभीको “डिआइडी” मा उनले ४० हजार प्रतिश्पर्धि हरुलाई पछी पर्न सफल भएकै आधारमा यसपटकको प्रतिश्पर्धामा पनि उनले प्रवेश पाएकी हुन् । उनको विजयको लागि देश विदेशका सम्पूर्ण नेपालीहरुले महत्वपूर्ण भूमिका निभाएका थिए । उनको यो विजयले नेपाल र नेपालीको नाम अझ उच्चो बन्न पुगेको छ । फोटो-गोर्खा रेडियो