विजय घिमिरेको “जीन्दगीको गाडी” सरर आइपुग्यो

लन्डन, भीजे-प्रितीको नामबाट चर्चित युट्युब जोडीले आफ्नो सांगितीक यात्रा युट्युबबाट नै आरम्भ गरेका थिए । नयाँ पूराना गीतहरुको म्यासअप कभर गीतहरुबाट सांगीतिक क्षेत्रमा आफ्नो पहिचान सफल बनाइ सकेकाछन् । नेपाल बिराटनगर निवासी विजय र प्रिती हाल लन्डनमा बसेर नेपाली गीत संगीतको जगेर्ना गर्दै आएका छन् । नयाँ वर्ष सन् २०१७ को आगमन संगै विजय घिमिरेले भरखरै मात्र युट्युब मार्फत “जीन्दगीको गाडी” बोलको गीतको म्यूजिक भीडीयो सार्वजनिक गरेका छन । भीजे (विजय) घिमिरेको कम्पोज तथा स्वरमा गाइएको यस गीतको शब्द भीजे-प्रिती,सौगातको रहेको छ भने विजय आफैले अभिनय गरेका छन् । विशेष गरि नया जेनेरेशनलाइ समेटिएको यस गीत तथा म्यूजिक भीडीयोमा जीन्दगी छोटो छ र जीन्दगीको भरोसा नभएपनि जीन्दगीका पाङ्ग्राहरु भने सररर गुडीरहनेछन हाँसो र खुसीका साथ बाँच्न सिक्नुपर्छा भन्ने शन्देश दिन खोजिएको छ ।