“मर्ने कसैलाई रहर हुदैन, तर नमरेको प्रहर हुँदैन, भागेर जाउँ कुन ठाउं जाउँ मान्छे नमर्ने शहर हुँदैन” हो यहाँ यस्तै यस्तै घटनाहरु निरन्तर दोहोरिरहन्छन । लोकप्रिय गायक तथा संगीतकार सुनिल बर्देवाको उपचारकै क्रममा असामयिक निधन भएको छ । स्वास्थ्यमा देखिएको समस्याका कारण उनलाई शैक्षिक अस्पतालमा महाराजगन्जमा लागिएको थियो । के कारणले उनको मृत्यु भएको भन्ने बारेमा भन्ने बारेमा स्पष्ट नभएपनि उनलाई जन्डिसको समस्या भएको बताइएकोछ् । गोरेटो अनि उस्तै छ गल्लि, बिहानीमा, यो साँझ यो रात लगाएत उनका दर्जनौ गीत संगीतहरु लोकप्रिय छन् । उनका एक छोरा र एक छोरि छन् । दुई बर्ष मात्र अघि श्रीमती गुमाएका सुनिल बर्देवा काठमाडौँ बालुवाटारमा बसोवास गर्दै आएका थिए । करिब दुइ हप्ताभित्र नेपाली सांगीतिक आकाशमा दुइजना प्रतिभाको निधन भएकोछ । दुइ हप्ता अघिमात्र गायक खेमराज गुरुंगको पनि उपचारकै क्रममा निधन भएको थियो । गायन क्षेत्र लगायत गीत लेखन,संगीत, संगीत संयोजन लगायत एक कुशल बाध्यबाधक समेतको खुबी रहेका बर्देवाको निधनले नेपाली सांगीतिक आकाशमा एउटा चम्किलो तारा अस्ताएको छ ।
उनीद्वारा गाइएका गीतहरु सुन्नका लागि तलको प्ले बटनमा क्लिक गर्नुहोला ।
फोटो साभार अनलाइन
