लन्डन- लन्डन नेपाल न्यूज डट कमले बेलायतस्थित कार्यवहाक राजदूत शरदराज आरनलाई स्वागत तथा सम्मान गरेको छ । बिहीबार सांझ दूतावास भवनमा आयोजित एक कार्यक्रमबीच कार्यवहाक राजदूतको सफल कार्यकालको शुभकामना दिइयो ।
कार्यवाहक राजदूतको स्वागत सम्मान एवं कार्यसफलताको कामना एवं लन्डन नेपाल न्यूज डट कमको तर्फबाट प्रबन्ध निर्देशक आर.के. त्रिपाठी एवं प्रधान सम्पादक शिव भण्डारीले खादा लगाई स्वागत तथा सम्मान एवं कार्यकाल सफलताको कामना गर्नुभयो ।
स्वागतपछि प्रमुख अतिथि कार्यवहाक राजदूत आरनले मन्तव्यका क्रममा वेबसाइटलाई शुभकामना दिंदै बेलायतको नेपाली समुदाय, देश अनि जनताको हित र समृद्धिका लागि पत्रकारिता गर्न सुझाव दिनुभयो । उहाँले अहिलेको डिजिटल युगमा पाठकहरुको माग पुरा गर्न वेबसाइट कटिवद्ध हुने विश्वास व्यक्त गर्नुभयो । कार्यक्रममा प्रधान सम्पादक शिव भण्डारी र प्रवन्ध निर्देशक राजकुमार त्रिपाठीले स्वागत गर्दै खबरहरु वेबसाइटलाई अझै समयानुकुल सुधार गर्दै लैजाने प्रतिबद्धता व्यक्त गर्नुभयो । उहाँले मल्टिमिडियाको उच्च प्रयोग गर्दै नेपाली भाषा संस्कृतिको संरक्षणका लागि अभियान चलाइने जानकारी दिनुभयो । बेलायतस्थित नेपाली जनसमूदायलाई एकीकृत गर्दै सूचना सम्प्रेषणको नीति लिने र सहयोगका लागि एनआरएनए यूके, सामाजिक संघ संस्था, राजनीतिक दल एवं भ्रातृ संगठनलाई पनि अपिल गर्नुभयो । कार्यक्रममा आइसीसी सल्लाहकारहरु विश्वआदर्श पण्डित रि. मेजर डमर घले, विशिष्ठ अतिथि एनआरएनए यूके अध्यक्ष मुछेत्र गुरुङ, एनआरएनए यूके पूर्व अध्यक्षहरु सूर्य गुरुङ र योगेन क्षेत्री, एनआरएनए यूके आईसीसी सदस्य सुष्मा राई, उपाध्यक्ष शान्ति थापा कुँवर, वेबसाइटका सल्लाहकार अर्जुन गौतम, राजन खरेल, तमुधिं लन्डन अध्यक्ष डेभिड गुरुङ, तमु समाज बेलायतका संस्थापक अध्यक्ष चित्रबहादुर गुरुङ, नेपलिज इञ्जिनियर्स एसोसिएसन यूके अध्यक्ष घनश्याम पौडेल, उपाध्यक्ष राज पाठक, तमुधिं यूके पूर्व अध्यक्ष सुवसिंह गुरुङ, यती सल्लाहकार डा. मीन रानाभाट, एनआरएनए यूके उपाध्यक्ष हिराधन राई लगायतले व्यवसायिक पत्रकारितामा जोड दिंदै निष्पक्ष र तथ्यपरक समाचारमा ध्यान दिन वेवसाइटको सम्पादक मण्डललाई आग्रह गरेका थिए । कार्यक्रममा दूतावासका थर्ड सेक्रेटरी बाबुकाजी डंगोल एट्याची तेजेन्द्र रेग्मी,कान्तिपुर दैनिकका बेलायत समाचारदाता एवं वीनेपाली डट कमका प्रधान सम्पादक नविन पोखरेल, एनआरएनए यूके उपमहासचिव अर्जुन कटुवाल, आइएमइ यूके निर्देशक कमल पौडेल, युवा बुद्धिजीवी राजन खकुरेल, सिता त्रिपाठी लगायतको उपस्थिति थियो । संस्थाका सल्लाहकार अर्जुन गौतम र डिजिटल कोअर्डिनेटर बीरेन्द्र श्रेष्ठलेले सबैलाई धन्यवाद ज्ञापन गर्नुभयो ।उक्त अवसरमा रात्री भोजको प्रायोजन गोल्डेनसीप रेष्टुरेन्टका प्रवन्ध निर्देशक एवं यति नेपाली एसोसिएसनका सामाजिक सचिव देव गुरुङले गर्नुभयो । कार्यक्रममा प्रधान सम्पादक भण्डारी र प्रवन्ध निर्देशक त्रिपाठीले दूतावासप्रति हार्दिक आभार प्रकट गर्दै उपस्थित सबैलाई धन्यवाद ज्ञापन गर्नुभयो ।
साभार-लन्डन नेपाल न्यूज डट कम, तस्विरः बीरेन्द्र श्रेष्ठ