बेलायतमा भानु जयन्तीको अवसर पारेर बृहत कविता प्रतियोगिता गरीने

लन्डन, यहि आउँदो जुलाई १६ तारिख शनिवारका दिन बेलायतको रिडिंगस्थित द वाएर हाउसमा आदिकवी भानुभक्त आचार्यको २०३औं जन्म जयन्तीको अवसर पारेर बृहत कविता प्रतियोगिताको आयोजना गरिने भएकोछ । रिडिंग नेपाली समाज र एनआरएन यूकेको भाषा साहित्य विभागको सयुक्त आयोजनामा उक्त कार्यक्रम बेलायतव्यापी रुपमा गरिन लागेको हो । अन्तरसंस्थान तथा खुल्लारुपमा हुने सो कार्यक्रममा बेलायतमा रहेर कलम चलाईरहेका सम्पूर्णमा सहभागिताको लागि अनुरोध गरिएकोछ । कविता लेखनको लागि केहि विशेष शर्तहरु पनि निर्धारित गरिएकाछन् । जस अन्तर्गत कविता बढीमा १५० शव्द सम्मको हुनुपर्नेछ र नेपाली भाषामा हुनुका साथै कुनै पनि जाती, धर्म, संस्कृति, भेषभूषा तथा रास्ट्रियतामाथि आक्षेप नलाग्ने खालको हुनुपर्नेछ । कविताको भाव, विषय र प्रस्तुतीमा भने कवि स्वतन्त्र रहन सक्नेछन् । प्रतियोगितामा सहभागिता जनाउने सबैजनालाई प्रमाणपत्र र उत्कृष्ठ दश स्थानमा पर्नेहरुलाई पदक तथा पुरस्कारको समेत व्यबस्था गरिएकोछ ।