फेसबुक र बैबाहिक जीवनबीचमा निकै ठूलो सम्बन्ध रहेको एक अनुसन्धानले बताएकोछ । हुन् त फेसबुकबाट थुप्रै फाइदाहरु पनि नभएको होइन तर यसलाई सहि रुपमा प्रयोग गर्न नसक्दा यसले मानव जीवनमा ठूलो संकट पनि पुर्याउदै आएको प्रशस्त उदाहरणहरु सुनिएका छन् । भर्खरै मात्र गरिएको एक अनुसन्धानले जनाएअनुसार फेसबुकको लतमा लाग्नेहरुमध्य झन्डै आधामा यसको असर पुगेको देखाएकोछ । स्टप प्रोक्रास्टिनेटिंग नामक एक संस्थाद्वारा लगभग ५ हजार फेसबुक प्रयोगकर्ताहरु माथि गरेको अनुसन्धानका अनुसार ४७ प्रतिशत प्रयोगकर्ताले विभिन्न किसिमले धोकाको सिकार हुने गरेको बताएकोछ । फेसबुकका कारण मानिसमा हुने रोमान्टिक सम्बन्धलाइ निकै असर पर्न गएको तथ्य पत्ता लागेकोछ । गत अप्रिल महिनामा करिव ३३ वर्ष उमेरका व्यक्तिहरुका विचमा यो अनुसन्धान गरिएको थियो । २६ प्रतिशत फेसबुक प्रयोगकर्ताहरु आफ्ना पार्टनरबाट उपेक्षित महसुस गर्ने गरेको र उनीहरुबीच झगडा हुने गरेको तथा आफ्नो पार्टनरलाइ भन्दा फेसबुकलाई बढी समय दिने गरेको रहस्य खुलेकोछ । ४७ प्रतिशत प्रयोगकर्ताहरु चिटिंगको मारमा परेका र ४४ प्रतिशतले आफ्नो जिन्दगीको रोमान्टिक क्षण नै गुमाएको बताइएकोछ् । ४६ प्रतिशतले इर्श्याका कारण आफ्नो पार्टनरको फेसबुक चेक गर्ने गरेको र २२ प्रतिशत विवाहित मानिस फेसबुकका कारण अरु संग नै रोमान्स गर्ने गरेको पनि अध्ययनले देखाएकोछ । यौन जीवनलाई पनि फेसबुकले ह्रास पुर्याउने काम गरेको तर्क ३२ प्रतिशत प्रयोगकर्ताले बताएकाछन । झन्डै १७ प्रतिशत् महिला प्रयोगकर्ताले भने फेसबुककै माध्यमबाट भूतपूर्व ब्वाईफ्रेन्डसंग पुन सम्पर्क गरेर सम्बन्ध बिच्छेद गरेको बताएकाछन । उक्त अनुसन्धानका अनुसार लगभग ६७ प्रतिशत फेसबुक प्रयोगकर्ताहरुले सम्बन्ध बिच्छेद्मा फेसबुकको भूमिका रहेको बताएकाछन । सिमित व्यक्तिकाबीच गरिएको यस अनुसंधानले करोडौंको संख्यामा रहेका फेसबुक प्रयोगकर्ताहरु सबैलाई त नसमेट्ला तर वर्तमान परिप्रेक्ष्यलाई हेर्ने हो भने फेसबुक मात्र नभएर अन्य सम्पूर्ण सामाजिक संजालहरुले नै मानव जीवनको आत्मीय संबन्धमा ठूलो प्रभाव पारिराखेकोछ । आफूले गर्नुपर्ने जरुरि कुराहरुलाई नै बेवास्ता गरेर फेसबुकमा स्टाटस अपडेट गर्नु अहिले सबैको दिनचर्या नै बनिसकेकोछ । यसरी हेर्दा फेसबुकबाट फाइदा र बेफाइदा दुवै देखिएकाछन् तर यसलाई सहि रुपमा सदुपयोग गरेर जाने हो भने पक्कै पनि लाभदायक नै हुनेछ । विशेषगरि वैवाहिक जीवनमा बाँधिएकाहरुले फेसबुकलाई अत्यन्त सावधानीका साथ् प्रयोग गर्नुपर्दछ नकी तेस्ले गर्दा दुवैको जीवन नै अन्धकार बन्न नपुगोस ।
फोटो साभार-अनलाइन