लन्डन । बेलायतको लेस्टरमा बस्दै आएका एक नेपाली परिवारको घर जलेर सम्पूर्ण जिन्सी सामाग्री खरानी भएपछि अहिले विचल्ली भएको छ । लेस्टर अपर टिजबोर्न स्ट्रिटको ३० नम्बर घर जलेर मधुसुदन आचार्यको परिवार अहिले शरणार्थी जस्तै छिमेकीको घरमा शरण लिइरहेको हो । आगलागीले भएका सम्पूर्ण लत्ता कपडा, आइप्याड, गरगहना, मोबाइल, पासपोर्ट, भिजा कार्ड लगायत जिन्सी सामान जलेपछि आचार्यको साथमा अहिले केही छैन् । आचार्य श्रीमति दुर्गा खनाल, छोरी प्रिन्सेस र छोरा प्रनिस आचार्यका साथ उक्त वान बेड रुम स्टुडियो फ्ल्याटमा बस्थे । गत बिहीबार दिउसो १२:५५ बजे फ्रिजको तापक्रम उच्च भएर आगलागी भएको अनुसन्धानबाट खुलेको आचार्यले जनाए । घरको इन्सुरेन्स भएपनि सामानको इन्सुरेन्स नहुंदा निम्न आयस्तर भएको आचार्य परिवार अहिले आर्थिक सहयोगका लागि याचना गरिरहेको छ । ‘हाम्रो त उठीबास नै भयो । नयां सामान किन्न बैंक ब्यालेन्स् केही छैन् हाल टियर टु भिजामा रहेर पिज्जा हटमा काम गर्ने आचार्यको गुनासो थियो, ‘कृपया यतिखेर हामीलाई आर्थिक सहयोग गरिदिनुस् ।’ आचार्यले विशेष गरि नेपाली समुदायसंग सहयोगको याचना गरेका छन् । आचार्य परिवारलाई सहयोग गरेर मानवीय भावना देखाउनको लागि इच्छुक व्यक्तिहरुले निम्न बैंक खातामा आर्थिक सहयोग गर्न सक्नेछन् ।
AC holder name : Mr. M. Acharya
Bank name : Barclays
Sort code : 20-72-17
Ac No: 83541169
सम्पर्क फोनः 07810068076 नवराज घिमिरे