लन्डन । लन्डनस्थित अक्सब्रिज बस्ने रोसना गुरुङले भूकम्प पीडितका लागि २ हजार ७४ पाउण्ड ४ पेन्स् (करिब ३ लाख २० हजार रुपैयाँ) जम्मा गरेकी छन् । गुरुङको सकृयतामा जम्मा भएको साे रकम आज लन्डनस्थित नेपाली दूतावासलाई हस्तान्तरण गरेकी छन् । सहयोग रकम बुझ्दै नेपाली दूतावास लन्डनका थर्डसेक्रेटरी बाबुकाजी डंगोलले प्रधानमन्त्री राहत कोष मार्फत भूकम्प पिडितलाई सो रकम हस्तान्तरण गरिने जानकारी दिदैं सहयोग दाताहरुलाई धन्यवाद दिए । हन्स्लो क्षेत्रमा वस चालकको रुपमा सकृय गुरुङ कार्यतरसंस्था लन्डन यूनाइटेड (आरएटिपी) समूहले सो रकम सँकलन गर्न सहयोग गरेको थियो । सो रकम हस्तान्तरण गर्न लन्डन यूनाइटेडको प्रतिनिधी रजिन्धर सिहं राय नेपाली दूतावास लन्डन पुगेका थिए । गुरुङले भूकम्प गएको करिब १ बर्ष सम्म पनि पिडितले दुःख पाएको देख्न नसकेर आफ्नो तर्फबाट केही सहयोग गरौं भन्ने भावनाले उक्त रकम सँकलन गरेको बताइन् । उनले संकलित रकम सरकारी निकायबाट पठाउन पाउँदा निकै खुशी लागेको जनाइन् । सो रकम सँकलन गर्न उनले आफैले काम गर्ने स्थानमा नेपाली खाना समेत बेचेकी थिइन् । रकम सँकलन गर्न शशी देवान, लता कुँवर लगायतले सहयोग गरेका थिए । गुरुङले आवश्यक पर्दा नेपालीहरुको दुःखमा साथ दिन आफु पछाडि नहट्ने बताइन् । नेपालब्रिटेन डट कम