राजकुमार ह्यारी,
नेपालबाट कैयौँ हरिहरु
ह्यारी बनेर बिदेशिएको बेला
तिमी बेलायतबाट नेपाल गएर
साँच्चीकै “हरि ” भएछौ
राजतन्त्र त नेपालमा हटिसक्यो
तैपनि अनेकौँ नवराजकुमारको जन्म भएको छ
हालको नयाँ नेपालमा
तर
भूकम्प पीडितहरुको छाप्रोमा अहिलेसम्म कुनै पनि
नवराजकुमारको नजरसम्म नपुगेको बेला
तिमी त बाहिरै जुत्ता खोलेर भित्रैसम्म गएछौ
तिमीलाई कोटि कोटि सलाम छ
सुन्नको लागि तलको प्ले बटनमा क्लिक गर्नुहोला
राजकुमार ह्यारी !
मलाई अति खुशी लाग्यो कि तिमीले आफ्नो भ्रमण
छ दिन बढाएर स्कुल बनाउने काममा लागेछौ
तिमीलाई मेरो एऊटा अनुरोध छ
कास्कीकोटको कूलमणडल शाहको दरबार
जुन कास्कीको कास्कीकोट गाबिसमा पर्छ
कृपया एक चोटि त्यहाँ पुगेर हेर
त्यहाँबाट देखिने सुन्दर दृश्यहरु हेर
तिमीलाई बेलायत फर्कनै मन नलाग्ने हुन सक्छ
नेपालमै घरजम गरेर बस्न कत्ति छैन बेर
राजकुमार ह्यारी !
छोटै भ्रमणमा तिमीले मान्छेको मन जितिसकेका छौ
यसरी नै तिमी बसिरह्याै भने
पीडितहरुको घाउमा मलहमपट्टि लाउँदै गयौ भने
एक दिन जनस्तरबाटै आवाज ऊठ्ने छ कि
We want prince Harrry
We want Prince Harry
Harry will be our future King .
त्यसपछि तिमी हरेक नेपालीको मनको राजा बन्नेछौं
अहिल्यै त भन्न सकिन्न तर
कुनै दिन यस्तो आउने छ
जनताको चाहनामा नै तिमी भविस्यको
नेपालको राजा बन्नेछौं
बधाई छ राजकुमार ह्यारी
तिमी सही ठाउँमा छौ । छोटो समयमा पनि तिमी
नेपालीको मन मुटुमा पुगेका छौ।
तिमीले चाह्याै भने के गर्न सक्दैनौ र ?
तिमीले आह्वान मात्रै गर्नुपर्छ तिम्रो नेतृत्वमा
बेलायतबाट एकै महिनामै बिलियन बिलियन पाउण्ड
तिम्रो आमा डाइनाको च्यारीटीको नाममा उठ्न सक्छ ।
तिमीलाई त सारा सन्सारले चिनेको छ राजकुमार ह्यारी
तिम्रो नाम पनि छ अनि तिम्रो इज़्ज़त पनि
तिमीले एऊटा आधिकारिक अनुरोध मात्रै गर्नुपर्छ
सन्सार भरका धनाढ़्यहरुबाट तिम्रो च्यारिटिको लागि
अरबौँ अरब डलर उठ्नेछ
त्यसपछि नेपालको बिकास निर्माणमा लगाउन सक्नेछौ
तिमीले चाहेमा नेपालमा पूर्व पश्चिम उत्तर दक्षिण
२/४ वर्षमै रेलगाड़ी दौडन सक्छन्
हिमालको काख काखमा मोटर बाटो पुग्न सक्छन्
हरेक प्राकृतिक सुन्दरताले भरिएको ठाउँमा
सजिलै पर्यटकहरु पुग्न सक्छन्
त्यसपछि त के चाहियो र
नेपाल छोडेर बिदेशिएका हरेक Harry हरु फेरि आफ्नै देश फर्केर ” हरि” भएर रमाउन सक्छन्
त्यसैले
बिन्ति छ राजकुमार ह्यारी
कृपया तिमी नेपाल र नेपालीको मनको राजा बनिदेऊ
थाहा छ तिम्रो काम जतिसुकै राम्रो किन नहोस्
नेपालका शासकहरुले मन पराउने छैनन्
आफ्नो भाउ घट्ने डरले रोक्न खोज्ने छन्
तर जनता तिम्रो साथमा हुनेछन् राजकुमार ह्यारी
तिमी शिंहासनको राजा हैन
जन जनको मनको राजा बन्नेछौ।
र सारा नेपालीको प्यारो राजा बन्नेछौ ।
मलाई यो पनि थाहा छ
तिमीलाई सिँहासनको राजा बन्ने कुनै लोभ पनि छैन
न त रहर नै छ राजकुमार ह्यारी
तिमीलाई त झुपडीकै बास र गाउँकै गास मीठो रहेछ
त्यसैले राजकुमार ह्यारी !
तिमी नेपाल र नेपालीको भाग्य बिधाता बनिदेऊ अनि
सच्चा साथी बनेर
तिमी हर नेपालीको मनको राजा बनिदेऊ
मनको राजा बनिदेऊ
किनकि
अहिलेको नेपाल र नेपालीलाई सिँहासनमा बस्ने राजा र
बितण्डा मच्चाउँदै हिँड्ने राजकुमारको हैन
तिमी जस्तै हर झुपडी र गाउँबस्ती पुग्न सक्ने
बिकास प्रेमी सरल र सवल राजाकै खाँचो छ
तिमी जस्तै हर नेपालीको भलाइको लागि खट्न सक्ने मनको राजाको खाँचो छ ।
कृपया तिमी नेपाली मनको राजा बनिदेऊ ।
मनको राजा बनिदेऊ !
धन्यवाद
ओमकार अधिकारी
