लन्डन, “तिम्रो मेरो बाटो अब भयो भिन्न भिन्न, हांसी हांसी जिउँला भन्थे पर्यो रुँदै हिन्न” बेलायतमा बस्दै आएकी गीतकार निरा पीजीद्वारा लेखिएको एउटा अर्को गित उनको दोस्रो एल्बम “निरन्तर” मार्फत नरेन्द्र प्यासीको स्वर अनि राजकुमार बगरको संगीतमा पशुपति म्युजिकले हालैमात्र सार्वजनिक गरेकोछ । गोबिन्द अर्मजाको निर्देशनमा बनेको उक्त भीडीयो बेलायतमा नै शुटिंग गरिएकोछ । यसको म्युजिक भीडियोमा दीपक थापा, विमला पुन र गोविन्द अर्मजाले अभिनय गरेकाछन । निराले निराशा एल्बम मार्फत निकै मार्मिक अनि लोकप्रिय गीतहरु प्रस्तुत गरिसकेकिछन । नरेन्द्र प्यासीको स्वरमा गाइएको म त तिम्रो मान्छे बन्न सकिन बोलको गीतले निकै सफलता हात पारेको थियो । तेस्तै उनले मनको घाउ निको पार्ने मलम भैदिए, पिरतीको मूल फुट्यो तिर्खा लागे पिउँला जस्ता थुप्रै चर्चित गितहरु लेखेर निराले सफलता प्राप्त गरिसकेकीछन् ।