गोर्खा सम्वाददाता, नेपालका चर्चित उद्योगपति विनोद चौधरी फेरी पनि विश्वका धनिहरु मध्यको सूचीमा परेकाछन । यिनी चौधरी ग्रूप अफ इन्डस्ट्रीजका मालिक हुन् । ९० सालको महाभूकम्प गएको २ वर्षपछि सन् १९३५ मा चौधरी परिवारले न्युरोड हालको विशाल बजार अघि वार्षिक २०० रूपैयाँ भाडामा लिएर पसल खोलेको संचालन गरेका थिए । सयुक्त राज्य अमेरिकाबाट प्रकाशन हुने चर्चित म्यागेजिन ’फोब्र्स’ले सन् २०१६ का विश्वका अर्बपतिको सूचीमा नेपालका उद्योगपति विनोद चौधरीलाई पुनःसमावेश गराएको छ। उक्त म्यागेजिनले विश्वको एक नं सूचीमा अमेरिकी खर्बपति बिल गेट्स नै परेको उल्लेख गरेको छ । चौधरी समूहका अध्यक्ष चौधरीको सम्पत्ति १.१ बिलियन अमेरिकी डलर अर्थात् करिब रु एक खर्ब १० अर्ब रहेको सो पत्रिकाले उल्लेख गरेको छ। उक्त म्यागेजिनले बुधबार सार्वजनिक गरेको सूचीमा उनलाई विश्वका अर्बपतिको एक हजार ५७७ औँ स्थानमा सूचीकृत गरेकोछ । चौधरीका भारत, बङ्गलादेश, श्रीलङ्का, सर्बिया, साउदी अरब, रुवान्डा लगायतका देशमा लगानी छ। चौधरीले गत वैशाख १२ को भूकम्प र त्यसपछिका परकम्पबाट भत्किएका विद्यालय एवम् घर निर्माणका लागि २.५ मिलियन डलर अर्थात् रु २५ करोड सहयोग गरेको फोब्र्सले उल्लेख गरेको छ। मिहिनेत, परिश्रम र लगनशीलता भएमा मानिसले सफलता हात पार्न सक्छ भन्ने स्पष्ट उदाहरण उधोगपति चौधरीले दिएकाछन् ।