स्वीट्जरल्याण्ड । नेपाली भाषा, साहित्य, कला,संस्कृति र पत्रकारिताको क्षेत्रमा प्रवासमा बसेर विशेष योगदान पुर्याउदै आएको नेपाल स्वीस डट कमले आफ्नो स्थापनाकालको छैटौं बार्षिकोत्सव मनाउने भएकोछ । स्विट्जरल्याण्डबाट संचालन हुदै आइरहेको नेपाल स्वीस डट कमको स्थापना सन् २०१० जनवरीमा भएको र यहिं जनवरी २०१६ मा छैठौं बर्ष पूरा गर्दैछ । नेपाली डायोस्पोराको एक सच्चा साझेदारको रुपमा रहँदै सत्य तथ्य जानकारी र संवेदनशिल सोच र विविध विचारहरुको सम्मान गर्दै अघि बढिरहेको नेपाल स्वीस डट कमले एक औपचारिक कार्यक्रम गर्दै २० फेब्रुअरी २०१६ मा आफ्नो बार्सिकोत्सव समारोह मनाउने भएकोछ । उक्त समारोहमा एक औपचारिक कार्यक्रम, एक नेपाली मनोरन्जनात्मक सांस्कृतिक साँझ, यूरोप र स्वीट्जरल्याण्डका विभिन्न व्यक्तिहरुलाई सम्मान गर्ने योजना रहेको कुरा नेपाल स्वीस डट कम परिवारले जनाएकोछ ।