स्वर सम्राट स्व. नारायणगोपाल नेपाली भाषाका पहिलो पुस्ताका गायक हुन् जसले गायनलाई पेशाको रूपमा अङ्गाले। उनले करीव १ सय ३६ वटा नेपाली गीतहरू गाएका छन् । उनका गीतहरू नेपाली चलचित्र तथा नाटकहरूमा पनि प्रयोग गरिएका छन् । पहिलो पुस्ताका गायक भएपनि उनि पछिल्लो पुस्ताका नजरमा पनि त्यत्तिकै चर्चित र लोकप्रिय बनिरहेकाछन । नारायणगोपाल गुरुबाचार्यको जन्म वि.स. १९९६ असोज १८ गते बुबा आशागोपाल गुरुबाचार्य र आमा रामदेवी गुरुबाचार्यको सन्तानका रूपमा काठमान्डौको किलागलमा भएको हो । वि.सं. २०२७ साल फागुनमा पेमालाका साथ यिनको विवाह सम्पन्न भए पनि सन्तान भएनन् । चार जना दाजु-भाइ र ३ जना दिदी-बहिनीमध्येका एक नारायण गोपालले मानविकी शास्त्रमा स्नाकोत्तर गरेका थिए ।आज उनको २५औं स्मृति दिवस भएको हुँदा गोर्खा रेडियो परिवार उनीप्रति स्मरण गर्न चाहन्छ ।
उनको बारेमा बिस्तृत जानकारीको लागि तल प्ले गरेर सुन्नुहोला।
