लन्डन, आज नोभेम्बर १२ तारेखका दिन आफ्नो ३ दिने भ्रमणको शिलशिलामा भारतका प्रधानमन्त्री नरेन्द्र मोदी लन्डन आइपुगेकाछन । बेलायतको प्रधानमन्त्रीको कार्यालय अगाडी हजारौंको संख्यामा उपस्थित प्रदर्शनकारीहरुले बिभिना नारा तथा प्लेकार्डहरु देखाउंदै शान्तिपूर्ण बिरोध प्रदर्शन गरेका थिए । हाल नेपालमा गरिएको नाकाबन्दीको बिरोधमा थुप्रै बेलायतबासी नेपालीहरुको पनि सहभागिता रहेको थियो । नेपालमा परेको पीडा र ब्यथालाई प्रवासी नेपालीहरुले पनि चुप लागेर कानमा तेल हालेर बस्दैनन् भन्ने उदाहरणको रुपमा फेरी एकपटक बेलायतबासी नेपालीहरुले देखाएका छन् । गत बैशाख महिनामा गएको महाभूकम्पमा पनि विदेशमा बस्ने नेपालीहरुले नेपालप्रतिको आफ्नो माया र ममताको बारेमा छर्लंग पारिसकेकाछन । भारतीय प्रधान्मंन्त्री नरेन्द्र मोदीको बिरोध प्रदर्शनमा भारतीयहरु लगाएत हजारौंको संख्यामा उपस्थित प्रदर्शनकारीहरुले बिरोध प्रदर्शन गरेका थिए ।
