लन्डन । नेपाली चलचित्र ‘अन्तिम संस्कार बेलायतका विभिन्न स्थानका सिनेवर्ल्ड (सिनेमा हल ) हरुमा प्रदर्शन हुने भएको छ ।
आउँदो डिसेम्बर २ तारिख नेपालीहरुको बाक्लो बस्ति भएका स्थानहरु ग्रीनवीच, अल्डरसट, हंस्लो, स्वीन्डन, वेम्ब्ली, फेल्थम, पूललगायतका हलहरुमा डिसेम्बर २ तारिख र ९ डिसेम्बरका दिन आश्फोर्डमा नेपाली फिल्म अन्तिम संस्कार प्रदर्शन गरिने भएको हो ।
लामाहरुको संस्कारसंग जोडिएको सामाजिक तथा सांस्कृतिक कथावस्तुमा आधारित उक्त चलचित्र नेपालको हिमाली जोल्ला मुस्तांगमा छायांकन गरिएको हो । ‘मर्डर मिस्ट्रि’ को कथालाई फिल्ममा समावेश गरिएको निर्माण पक्षले बताएका छन् ।
प्रदीप शाहीद्वारा निर्देशित यो फिल्ममा विजय लामा, दीया पुन, रेश्मा घिमिरे, एवनराज उप्रेती, त्रिचु राई, विशाल पहारी, कृष्णभक्त महर्जन,श्याम राई, पासाङ्ग लामा, विकाश अधिकारी, सरोज खालिङ्ग राई, सस्मिता गिरी, दिग्गज खत्री, सरोज कुमाल, धर्मानन्द आचार्य आदि कलाकारले अभिनय गरेका छन् ।
साई प्रोडक्शन नेपालको ब्यानरमा ह्याम्साएर एकाउण्टेनको सहकार्य रहेको यो फिल्ममा भाइराजा थापा, राजुकुमार गुरुङ, सुमन राई, उत्सव विष्ट, रविन्द्र श्रेष्ठ कार्यकारी निर्माता रहेका छन् । विनोद सुवेदी क्षितिज निर्माता रहेको यो फिल्म सामाजिक एवं सांस्कृतिक कथावस्तुमा निर्माण भएको छ ।
