काठमाडौँ, केही महिनापहिले देखी क्यान्सर रोगबाट थलिएका मकवानपुर जिल्ला बागमती गाउपालिका वार्ड नम्बर २ का बुद्धिमान वाईवालाई आर्थिक सहयोग प्रदान गरिएको छ।
वाईवालाई गैर आवासीय नेपाली संघ (एनआरएनए) का आईसीसी सचिव खगेन्द्र न्यौपानेले एटी सेक्युरिटी कम्पनी मलेसियाको तर्फबाट २ लाख आर्थिक सहयोग हस्तान्तरण गरेका छन् ।
न्यौपाने एटी सेक्युरिटी कम्पनी मलेसियाका डाइरेक्टर हुन् । क्यान्सर पीडित वाइवाले आफूलाई सहयोग प्रदान गरेकोमा एनआरएनएमा आईसीसी सचिव न्यौपाने र एटी सेक्युरिटी कम्पनी मलेसियालाई धन्यवाद व्यक्त गरे ।
उनले उक्त रकमले आफ्नो उपचारमा ठुलो सहयोग हुने बताए । उनको नेपाल क्यान्सर अस्पतालमा उपचार भइरहेको छ । वाईवा ७ वर्ष एटी सेक्युरिटी कम्पनी मलेसियामै सेक्युरिटी गार्डमा कार्यरत रहेका थिए ।
