लन्डन । ‘भ्यालेन्टाइन डे’ को अवसरमा प्रेमीकाप्रति समर्पित गर्दै गीतकार दीप गिरीको एउटा नयाँ गजल ‘आभारी छु’ सार्वजनिक भएको छ । वरिष्ठ संगीतकार राजु सिंहको संगीत रहेको यस गीतमा गायक आनन्द कार्कीले आवाज रहेको छ भने चांद सिंहले एरेन्ज गरेका छन् ।
मोहन कुमार झिल्लुको छयांकन रहेको श्रव्यदृश्यमा अनिल कुमार महर्जनको सम्पादन रहेको छ । हाल बेलायतमा बस्दै आएका गिरीले यस अघि पनि सुन केशरी, फुटेको ऐना, मौका नै दिएनौ, चारै दिशा, मन खाने माया, रातकी रानी’ लगायतका आधा दर्जन बढी गीत सार्वजनिक गरिसकेका छन् ।
आनन्द कार्कीको अफिसियल युट्युब च्च्यानलमार्फत सार्वजनिक ‘आभारी छु’ बोलको गजललाई सुनेर सल्लाह सुझाव र प्रतिक्रिया दिन गीतकार गीरीले आग्रह गरेका छन् ।
‘आभारी छु’ बोलको गजल हेर्नुहोस् !
