लन्डन । लाइभ दोहोरीमा निकै चर्चित भाका “कत्ति राम्रो दमाईको छोरो” बोललाई भर्खरै मात्र म्यूजिक भिडियोको रुपमा सार्वजनिक गरिएको छ । ‘दमाईको छोरो’ बोलको उक्त गीतलाई चर्चित लोकदोहोरी गायक राजु परियार र टीका पुनले आवाज दिएका हुन् । यस गीतको लय शब्द झलक संगीतमको रहेको छ ।
गीतको म्यूजिक भिडियोमा चर्चित मोडल रीना थापा मगरको अभिनय रहेको छ भने उनलाई सरद एलजी, जोहन पोखरेल र स्मृति सुनारले साथ दिएका छन् । विगत एक दशकदेखि म्यूजिक भिडियोमा व्यस्त रहँदै आएकी रीनाले दुई हजार भन्दा बढी म्यूजिक भिडियोमा अभिनय गरिसकेकी छन् ।
लाइभ दोहोरीमा निकै लोकप्रिय रहेको “कत्ति राम्रो दमाईको छोरो” भाकालाई लामो समयपछि अफिसियल गीतको रुपमा प्रस्तुत गरिएको छ, यस गीतले राम्रै सफलता प्राप्त गर्नेमा आशावादी छु’ हाल बेलायतमा रहेकी रीना थापाले भनिन् ।
समीर रामदमको निर्देशन तथा सम्पादनमा तयार भएको उक्त गीतको म्यूजिक भिडियोमा प्रकाश खड्काको छायांकन तथा अमर सुनारको कोरिओग्राफी रहेको छ ।
‘दमाईको छोरो’ गीतको म्यूजिक भिडियो हर्नुहोस्
