लण्डन । गैरआवासीय नेपाली संघ (एनआरएनए) को १०औं महाधिवेशन लम्बिदै गएपछि बेलायतस्थित संघका अगुवाहरुले पत्रकार सम्मेलनको आयोजना गर्ने भएका छन् ।
गैरआवासीय नेपाली संघको आइसीसी सदस्य (निर्वाचित) राजेन्द्र पुडासैनीका अनुसार बेलायतबाट संघको महाधिवेशन प्रतिनिधि चयनमा भएको अनियमितता र निर्वाचन प्रकृयामा भइरहेको ढिलाईको बारेमा जानकारी दिने उदेश्यले पत्रकार सम्मेलन हुन् लागेको हो ।
यूके समय अनुसार शनिवार, दिउँसो २ बजे आयोजना हुने सो पत्रकार सम्मेलनमा निर्वाचित तथा वर्तमान सबै आइसीसी सदस्य तथा पूर्व तथा वर्तमान पदाधिकारीलाई आमन्त्रण गरिएको छ ।
भर्चुअल माध्यमबाट आयोजना हुने सो पत्रकार सम्मेलनमा सहभागी हुन सबै संचारकर्मीहरु तथा पदाधिकारीहरुलाई संघका आइसीसी सदस्य (निर्वाचित) दिनेश घिमिरेले आग्रह गरेका छन् ।
गैरआवासीय नेपाली संघ यूकेको गत जुलाईमा सम्पन्न निर्वाचन पछि वर्तमान कार्यसमितिले विधान विपरीत केन्द्रीय प्रतिनिधिको दावी गरेको थियो ।
एनआरएनए यूकेको नेतृत्वले प्रतिनिधि विवाद मिलाउन चासो नदेखाएको कारणले संघको केन्द्रीय निर्वाचन समेत प्रभावित हुदै आएको छ ।
