लन्डन । हिन्दूहरुको महान पर्व बडादशैं आउन करिब केहि हप्ता मात्र बाँकी रहँदै गर्दा नेपाली कलाकारहरु दशै गीत रेकर्ड थालेका छन् । भर्खरै मात्र गायक खुमन अधिकारीले ‘आउदैछु गाउँतिर’ बोलको दशैं गीत सार्वजनिक गरेका छन् ।
विष्णु न्यौपानेकोको शब्द र गायक खुमन अधिकारीको संगीत संकलन रहेको उक्त गीतमा गायक खुमनलाई सुनिता बुढा क्षेत्री, चिज गुरुङ र दिया नेपालले साथ दिएका छन् । सुनिल परियारको संगीत संयोजन रहेको यस गीतको म्यूजिक भिडियोमा अन्जली अधिकारी र अभिशेक खड्काको अभिनय रहेको छ ।
कोरोना महामारीले गर्दा शहर भन्दा ग्रामिण परिवेश नै रमाइलो हुने भएकाले पनि यस गीतमा गाउँतिरकै सेरोफेरोलाई प्रस्तुत गरिएको छ । जेरी भण्डारीको निर्देशन तथा कोरियोग्राफमा तयार भएको यस म्यूजिक भिडियोलाई नबिन घर्ति मगरले सम्पादन गरेका हुन् । शिव दर्शन फिल्म्सको युट्युब मार्फत सार्वजनिक गरिएको उक्त म्यूजिक भिडियो दर्शकहरुले निकै रुचाएको र राम्रो प्रतिक्रिया पाएको गायक खुमन अधिकारीले बताए ।
‘आउदैछु गाउँतिर’ भिडियो हेरौं :
