लन्डन । गायक जीवन पन्त र गायिका समिक्षा अधिकारीको आवाजमा रहेको भर्खरैमात्र सार्वजनिक भएको ‘डिग्री सम्म पढाम्ला’ बोलको गीत निकै लोकप्रिय बनेको छ । जीवन पन्त र गायिका समिक्षा अधिकारीको स्वर रहेको यस गीतका संगीतकार भने दिपक शर्मा हुन् ।
श्यामश्वेत रसाइलीको म्यूजिक एरेन्ज तथा मिक्सिङ रहेको उक्त गीतको म्यूजिक भिडियो निर्देशन भने काजिश श्रेष्ठले गरेका हुन्। उक्त गीतको छायांकन अर्जुन तिवारीले गरेका हुन भने सम्पादन पदम सुवेदीले गरेका हुन्। नायक पल शाह र समिक्षा अधिकारीको जोडि उक्त गीतमा निकै सुन्दर देखिएको छ ।
डिग्री सम्म पढाम्ला, पुदिनाको अचार, शिरमा लाछा डोरी, सिलौटो, बाबियोको डोरि जस्ता गाउँले अर्गानिक ठेट शब्दहरुले गीतलाई थप मिठास बनाएको छ । गायक जीवन पन्त र गायिका समिक्षा अधिकारीको आवाजमा रहेको गतवर्षको ‘चाइनेजो’ बोलको गीत पनि निकै लोकप्रिय बन्न सफल भयो । ‘सार्थक डिजिटल’ को युटुब च्यानलमा सार्वजनिक गरिएको यस गीतको म्यूजिक भिडियोलाई सार्थक डिजिटल म्युजिक प्रालि ले बजार व्यवस्थापन गरेको छ।
