लन्डन । गायक हिमाल सागरले अमेरिका पुगेर आफ्नै स्वर, शब्द र संगीत रहेको ‘तिमि छौ र’ बोल रहेको एउटा रोमान्टिक गीतको म्यूजिक भिडियो सार्वजनिक गरेका छन् । यस गीतमा संगीत संयोजन बाबु प्रधानको रहेको छ ।
म्यूजिक भिडियोमा नायिका नन्दिता केसी र पूर्ण लम्सालको जोडदार अभिनय देख्न सकिनेछ । मायालु जोडीबीचको प्रेमिल दृश्यलाई अमेरिकाको विभिन्न भागमा छायांकन गरिएको छ ।
भिडियोमा गायक हिमाल सागरलाई पनि देख्न सकिनेछ । बिक्की पुलामीको निर्देशनमा तयार गरिएको भिडियोको छायांकन शैलेश घलेले गरेका हुन् भने भारत रेग्मीको सम्पादन रहेको छ । ‘पी एण्ड एच’ प्रोडक्सनको युट्युब च्यानलबाट सार्वजनिक गरिएको उक्त गीतको सकारात्मक प्रतिक्रिया आएको गायक हिमाल सागरले बताए ।
भिडियो हेर्नुहोस:
