लक्जेम्बर्ग । गैरआवासीय नेपाली संघ (एनआरएनए ) राष्ट्रिय समन्वय परिषद् लक्जेम्बर्गको नेतृत्वमा पुनः हरि खत्री चयन भएका छन्। लक्जेमवर्गको हालै सम्पन्न छैटौं अधिवेशनद्वारा २०२१–०२३ कार्यकालको लागि खत्रीको अध्यक्षतामा सिंगो कार्यसमिति नै सर्वसम्मत चयन गरेको हो ।
अधिवेशनबाट बालकृष्ण सापकोटा आइसीसी सदस्यमा चुनिएका छन्। नयाँ कार्यसमितिको वरिष्ठ उपाध्यक्षमा रमाकान्त शर्मा, उपाध्यक्षमा बिमल बाबु उपाध्याय, महिला उपाध्यक्षमा शकुन्तला भट्टराई, महासचिवमा बालहरी राई, सचिवमा विश्व थापा र सह–सचिवमा युद्धबहादुर थापा चयन भएका छन्। संघको कोषाध्यक्षमा नारायण प्रसाद दवाड़ी र सहकोषाध्यक्षमा बिष्णु खत्री चयन भएका छन् ।
अधिवेशनले झलक बहादुर महतलाई प्रवक्ता, नवज्योत निउेरलाई युवा संयोजक र दुर्गा केसी थापालाई महिला संयोजकको जिम्मेवारी दिएको छ। कार्य समिति सदस्यमा हिमाल सापकोटा,कृष्ण बहादुर कार्की, याम थापा, कबिता अर्याल, राजु गौतम,रामेश्वरी कोईराला सल्लाकारमा नारायण गुरुङ, शान्ति सापकोटा रहेका छन् ।
गैरआवासीय नेपाली संघ लक्जेम्बर्गको छैटौं अधिवेशनमा प्रमुख अतिथिको उपमा बेनेलुक्सका उपप्रमुख सुधीर भट्टराईको उपस्थिति रहेको थियो । यसैगरी बिविशेषअतिथिमा लक्जेम्बर्गका नेपाली का. कन्सुलर,फ़ोनसुवा पुरुम र केन्द्रीय प्रतिनिधि पदम गुरुङको पनि सहभागीता थियो ।
