काठमाडौँ । विश्व संगीत दिवसको अवसर पारेर गायिका गीता पाण्डेको ‘शुभकामना’ बोलको अडियो गीत सार्वजनिक भएको छ । जीवनलाई सुन्दर बनाउन साहित्य,संगीत र कलाको अत्यन्त महत्व भएकोले कोरोना महामारीको समयमा पनि गायिका पाण्डेले सांगीतिक सृजनालाई निरन्तर अगाडी बढाउदै आएकी छन् ।
सानैदेखि कविता, गीत लेख्न रुचाउने जेम्स चौधरीको आफ्ना गीतलाई, संगीतको धुनमा उतार्न संगीतकार राजेश कुमार श्रेष्ठले संगीत भरेर इच्छा पूरा गरिदिनु भएको छ भने गायिका गीता पाण्डेले मीठो स्वर दिएकी छिन् ।
गीत संगीतलाई माया गर्ने गीतकार चौधरी सकेसम्म विभिन्न रेडियोको गीति कार्यक्रमहरु सुन्न छुटाउँदैनथे। रेडियोमा गीत बज्दा आफ्ना पनि गीत यसरी सुनाउँने धोको थियो उनी सम्झन्छन् ।
हाल अडियोमा रहेको गायिकाको गीत पछि आफ्नै युटुब च्यानल मार्फत भिडियोमा आउने बताए । ‘शुभकामना’ गीत डिजीटल प्ल्याटफर्ममा दामी म्युजिक एपमा सुन्न सकिने छ गायिकाको अधिकांश गीतहरु यस एपमा सुन्न सकिने छ।
विश्व संगीत दिवसमा संगीतकार श्रेष्ठले नेपाली संगीतले आफ्नो मौलिक सरगम बिश्व बजारमा छर्न सकोस साथै नेपाली मौलिक संगीत विश्व बजारमा पस्किनु पर्ने बताउनु हुन्छ। सकारात्मक संदेश फैलाउने काम यस गीतले गरेको छ ।
‘शुभकामना’ सरल भाषा शव्दमा तयार भएको गीतलाई एक पटक सुनेर कस्तो लाग्छ सुझाव,सल्लाह र प्रतिक्रिया दिनका लागि गायिकाले दर्शक,स्रोतालाई अनुरोध गर्नुभएको छ । गायिका गीता पाण्डेका अन्य गीतहरु वहाकै नाममा रहेको युटुब आइसकेका छन र नया गीतहरु आउने क्रममा रहेको छ ।
