एनआरएनए अफ्रिकाको सहयोगमा पाल्पा जिल्ला अस्पताललगायतका अन्य स्वास्थ्य केन्द्रमा ३५२ थान रिफिल अक्सिजन सिलिण्डर हस्तान्तरण गरिएको छ ।
२५६५ औं बुद्धजयन्तीको अवसर पारेर एनआरएनए अफ्रिकाको तत्काल अक्सिजन सहयोग अभियान अन्तरगत एनआरएनए कङ्गोको संयोजन र लायन्स क्लब डिष्ट्रिक्ट ३२५ बी टू एरिया ४ को व्यवस्थापनमा अक्सिजन वितरण गरिएको हो ।
पाल्पा जिल्ला अस्पताल, मिसन अस्पताल , एलएमसी , रामपुर नगरपालिका , निस्दी, पूर्व खोला , रम्भा , बगनास काली , तीनाउ , माथागढी , रिब्दीकोट र रैनादेवी पालिकाका स्वास्थ्य चौकी र आइसोलेसेन सेन्टरमा रिफिल अक्सिजन सिलिण्डर हस्तान्तरण गरिएको छ ।संघ र लायन्स क्लबको तर्फबाट एरिया चिफ लायन सन्दिप कसौधनको सिलिन्डर हस्तान्तरण गरेका थिए भने आर्थिक संयोजन एनआएनए कङ्गोका अध्यक्ष अमृत क्षेत्रीले गरेका थिए ।
एनआरएनए अफ्रिकाका क्षेत्रीय संयोजक रोशन थापाले पाल्पाका सबै स्थानिय तहसम्म थोरै भए पनि तत्काल आवश्यक अक्सिजन उपलब्ध गराउन सकिएकोमा खुशी ब्यक्त गरेका थिए ।
सहयोग गर्ने लायन्स क्लब र सबै दाताहरुलाई थापाले आभार व्यक्त गरेका थिए । संघले आजै अछामका अस्पतालहरुलाई अक्सिजन सिलिन्डर सहित सहयोग पुर्याउने र जुम्ला अस्पतालका लागि भोलि सहयोग पठाइने पनि थापाले जानकारी दिए ।
