रजहर , पुर्व नवलपरासी । गैर आवासीय नेपाली संघ (एनआरएनए) अफ्रिकाका राष्ट्रिय समन्वय समिति मोजाम्बिकको अक्सिजन सहयोग अभियान अन्तर्गत करिब दुई लाख बराबरको १० थान अक्सिजनसहितको सिलिन्डर हस्तान्तरण गरेको छ ।
पूर्व नवलपरासीको देवचुली नगरपालिका वडा न १६ , रजहरस्थित सामुदायिक प्राकृतिक चिकित्सालयको कोभिड उपचार कक्षलाई सो सामग्री प्रदान गरिएको हो । एनआरएनए मोजाम्बिकका अध्यक्ष देवी पौडेलको संयोजनमा सम्पन्न उक्त कार्यक्रम भर्चुअल रुपमा सम्पन्न भएको थियो ।
देवचुली नगर पालिका वडा नम्बर १६ का वडा अध्यक्ष केशरबहादुर क्षेत्रीले सामुदायिक प्राकृतिक चिकित्सालय व्यवस्थापन समितिका अध्यक्ष सन्तबहादुर क्षेत्रीलाई उक्त सिलिन्डरहरु हस्तान्तरण गरेका थिए ।
कार्यक्रममा एनआरएनएका पुर्व कोषाध्यक्ष हिक्मत थापा , अफ्रिका क्षेत्रीय संयोजक रोशन थापा र एनआरएनए मोजाम्बिक राष्ट्रिय समन्वय समितिका अध्यक्ष देवी पौडेल लगायतको सहभागिता रहेको थियो ।
कार्यक्रममा वडा अध्यक्ष केशरबहादुर क्षेत्रीले अफ्रिकाका एनआरएनहरुलाई गाउघर सम्झेर अप्ठ्यारो अवस्थामा सहयोग पुर्याएकोमा हार्दिक धन्यवाद ज्ञापन गरेका थिए ।
