लन्डन । बेलायतमा बस्दै आएका अभिनेता ध्रुब दत्तले नेपालमा सम्पन्न ‘सर्ट फिल्म अवार्ड २०७७’ मा उत्कृष्ट अभिनेताको अवार्ड हात पारेका छन् ।
स्टार वान इन्टरनेटमेन्ट र विलक्षण क्रियनसद्वारा बैशाख १४ गते आयोजना गरेको उक्त प्रतियोगितामा १९ सहभागी मध्येबाट बेलायतमा निर्मित सर्ट फिल्म ‘सहारा’ बाट दत्तले सो अवार्ड हात पारेका हुन् ।
प्रतियोगितामा ८ वटा सर्ट फिल्म अवार्डमा चयन भएको कार्यक्रम निर्देशक एवम् नेपाल चलचित्र संयोजक समाजका उपाध्यक्ष राजु अधिकारीले बताए ।
त्यस्तै अभिनेता सरोज खनालले उत्कृष्ट निर्देशकको अवार्ड जितेका छन् । अभिनेता खनालले पहिलो पटक निर्देशन मै यो अवार्ड जितेका हुन् । यस्तै प्रतियोगितामा उत्कृष्ट सर्ट फिल्मको अवार्ड तेजेन्द्र प्रसाद कँडेल निर्मित देशमाथीले जितेको छ ।
जसमध्ये त्यस्तै उत्कृष्ट सर्ट फिल्म कथाकारका रुपमा पुरु राईले अवार्ड हात पारे । बिजेताहरुलाई पूर्व प्रधानसेनापति राजेन्द्र क्षत्री, अभिनेता रविन्द्र खड्का, रमेश बुढाथोकी, नवल खड्कालगायतले एक समारोहबीच अवार्ड प्रदान गरेका थिए ।
लामो समयदेखि बेलायतलाई कर्मथलो बनाउंदै आएका एक सक्रिय कलाकारकोरुपमा परिचित दत्तले तीन घुम्ती, आवेग, वीरताको चिनोलगायतका दर्जनौं ठूलो पर्दाका फिल्ममा अभिनय गरिसकेका छन्।
आफ्नोअभिनयका कारण दर्शकको मन जित्न सफल दत्तले प्रवासमा रहेर पनि निरन्तर नेपाली कलारितालाई योगदान पुर्याउंदै आएका छन् ।
