लन्डन । नेपाल पत्रकार महासंघ युरोप शाखाको अध्यक्षमा प्रेम परियार निर्विरोध निर्वाचित भएका छन् । नेपाल पत्रकार महासंघ युरोप शाखाको चौंथो अधिवेशन शुक्रबार सम्पन्न भएको छ । भर्चुअल माध्यमबाट सम्पन्न उक्त अधिवेशनले नयां कार्यसमितिको निर्विरोध रुपमा चयन गर्न सफल भएको हो ।
निर्वाचनमा शाखाका ५९ जना सदस्यहरु मतदाताको रुपमा रहेका थिए । लामो छलफलपछि शाखाले प्रेमबहादुर परियारको अध्यक्षतामा कार्यसकितिको निर्विरोध चयन गरेको हो । नवनिर्वाचित कार्यसमितिमा केजिन राई र महेशकुमार खाती वरिष्ठ उपाध्यक्ष रहेका छन् ।
यसैगरी उपाध्यक्षमा राजकुमार थापा, रविचन्द्र भट्टराई, प्रेमचन्द्र पोमु, वाईबी गुरुङ,दिलनिशानी मगर, जंगम खड्का, दीपेन्द्र गजुरेल रहेका छन् । द्रोण रिजाल महासचिवमा चयन भएका छन् भने महिन्दो वाइवा, शेरबहादुर परियार, सरला कट्टेल, कलश खरेल र कमल पराजुली सचिव तथा कोषाध्यक्षमा इन्दिरा चाम्लिङ रहेका छन् ।
यसैगरी, सदस्यहरुमा वीरमान घर्ती, युवराज फुयाँल, दिनेश गौतम, गोमा खरेल, निराजन श्रेष्ठ, कृष्ण तिवारी, शान्ति अर्याल अधिकारी, अनिल पौडेल, भेषबहादुर काउछा, रमेश राज बाँस्तोला, ल्हाक्पा तेन्जी शेर्पा र किशोर लिम्बु रहेका छन् । शाखाको संरक्षकहरुमा पुष्प बरुवाल, पन्चम अधिकारी र राजकुमार दिक्पाल रहेका छन् ।
फ्रेबुअरी २० मा शाखाको चौथो अधिवेशनले शाखाको नयाँ कार्यसमिति निर्माणका लागि निर्वाचन समिति संयोजक राजेश चाम्लिङ, सदस्य सचिव डा. उदयदेव आचार्य र सदस्य किशोर सुब्बालाई तोकिएको थियो भने केन्द्रीय प्रतिनिधिमा चिरन शर्मा रहेका थिए ।
