नाइजेरिया । गैरआवासीय नेपाली संघको दोश्रो मोबाइल ब्लड बैंक बस परियोजनाका लागि अफ्रिकाका उद्योगपति डा. सुधीर रुपारेलियाले दुई लाख पचास हजार सहयोग गरेको एनआरएनएका पुर्व कोषाध्यक्ष हिक्मत थापाले जानकारी दिएका छन ।
उधोगपती रुपारेलिया पुर्वी अफ्रिकाकै सबै भन्दा धनी व्यक्ति हुन् भने नेपालका तर्फबाट युगान्डाका लागि मानार्थ बाणिज्यदूत समेत हुन् ।
यसअघि पनि एनआरएनएले आधुनिक सुबिधा सम्पन्न घुम्ती ब्लड बैंक बस रक्त संकलनमा सहयोग पुर्याउने उद्देस्यले चितवन रेडक्रसलाई हस्तान्तरण गरिसकेको छ ।
अबको दोश्रो बस सुदुर पश्चिम प्रदेशका लागि कैलाली रेडक्रस , धनगढीलाइ हस्तान्तरण गर्ने योजना बनाएको छ ।
कर छुटसहितकरिब ६१ लाख खरिद मुल्य पर्ने उक्त दोश्रो बसको लागि हालसम्म विश्वभरका एनआरएनएले सहयोग संकलन जुटाइरहेका छन् ।
हालसम्म बीस लाख भन्दा बढीको सहयोग प्रतिबद्धता जुटी सकेको छ र सहयोग संकलन अभियान तीव्र रुपमा संचालन भइरहेको छ ।
