लन्डन । बेलायतमा तेस्रो चरणको देशव्यापी लकडाउन शुरु भएकै दिन गायिका एलिना चौहानको स्वरमा रहेको ‘हेरुँ हेरुँ लाग्छ’ बोलको गीतको म्यूजिक भिडियो सार्वजनिक भएको छ ।
बेलायतमा छयांकन गरिएको उक्त भिडियोमा लन्डनलगायतका विभिन्न रमणीय स्थलहरु देख्न पाइनेछ । भिडियोमा बेलायतकै स्थानीय कलाकारहरु नायक ध्रुब दत्त र सुभेच्छा भारती मगरको जोडदार अभिनय रहेको छ ।
शुभेच्छाको डेब्यू गीत भएता पनि उनले चुलबुले प्रेमिकाको रुपमा राम्रो अभिनय गरेकीछिन् । खिम शेरचनको निर्माण रहेको यस गीतमा गीता गिरीको शब्द रहेको छ ।
गीतमा राजु सिंहको संगीत रहेको छ भने नरेन्द्र वियोगीको संगीत संयोजन रहेको छ । यसैगरी भिडियोको निर्देशन तथा सम्पादन बेलायत निवासी संचारकर्मी कुशल श्रेष्ठले गरेका हुन् ।
