लन्डन । गायिका अन्जु पन्तको स्वरमा रेकर्ड भएको ‘यादका लहरहरु’ बोलको गीत मेल (पुरुष) भर्सनमा पनि रेकर्ड गरिएको छ । डा. प्रकाश पौडेलको शब्द रहेको भर्खरै सार्वजनिक गरिएको उक्त गीतको मेल भर्सनमा गायक राज सागरले स्वर दिएका छन् ।
गायक राज सागरकै संगीत रहेको यस गीतमा संगीत संयोजन गोपाल रसायलीको छ । म्यूजिक भिडियोमा नेपाली चलचित्र क्षेत्रका निकै लोकप्रिय रहेका जोडी नायक राजेश हमाल र नायिका करिश्मा मानन्धरको अभिनय छ ।
उत्तम हुमागाईंको छायांकन तथा प्रविन श्रेष्ठ (मोक्ष) को सम्पादन रहेको यस म्यूजिक भिडियोमा हरी हुमागाईंको निर्देशन रहेको छ । पछिल्लो समय नेपाली गीत संगीतको क्षेत्रमा मेल तथा फिमेल भर्सनको लोकप्रियता बढ्दै गएको छ ।
‘यादका लहरहरु’ को म्यूजिक भिडियो हेर्नुहोस ।
