लन्डन । नेपाली सांगीतिक क्षेत्रमा श्रव्य र दृश्यको एउटा नौलो समिश्रण भएको छ । पुराना नायक नायिकाको दृश्य र लोकप्रिय गायिकाको स्वरको समिश्रणमा ‘यादका लहरहरु’ बोलको गीतको म्यूजिक भिडियो भर्खरै मात्र रिलिज भएको छ ।
डा. प्रकाश पौडेलको शब्द रहेको यस गीतमा गायिका अन्जु पन्तले आवाज दिएकी छन् । “आंखाहरु यिनै थिए आंशुहरु फेरिरहें , दोबाटोमा छाडीगयौ , गोरेटोमा एक्लो भएँ “ गीतका शब्दहरु निकै मार्मिक रहेका छन् ।
राज सागरको संगीत रहेको यस गीतमा संगीत संयोजन गोपाल रसायलीको रहेको छ । म्यूजिक भिडियोमा नेपाली चालचित्र क्षेत्रका निकै चर्चित अनि लोकप्रिय नायक राजेश हमाल र नायिका करिश्मा मानन्धरको अभिनय अभिनय रहेको छ ।
उत्तम हुमागाईंको छायांकन तथा प्रविन श्रेष्ठ (मोक्ष) को सम्पादन रहेको यस म्यूजिक भिडियोमा हारी हुमागाईंको निर्देशन रहेको छ ।
‘यादका लहरहरु’ म्यूजिक भिडियो हेर्नुहोस् ।
