काठमाडौं । नेपालमा पछिल्लो २४ घन्टामा थप ४ हजार ४९९ जना नयाँ संक्रमित थपिएका छन् । थपिएकामध्ये २ हजार ७६० जना संक्रमित उपत्यका मा मात्र रहेको स्वास्थ्य तथा जनसंख्या मन्त्रालायाले जनाएको छ ।
२४ घण्टामा १६ हजार ८६४ जनाको पीसीआर परीक्षण गर्दा ४ हजार चार सय भन्दा बढी संक्रमित फेला परेका हुन् । योसंगै नेपालमा कुल संक्रमितको संख्या एक लाख ५३ हजार ८ जना पुगेको छ । हाल सक्रिय संक्रमितको संख्या ४६ हजार ६९१ रहेको मन्त्रालयले जानकारी दिएको छ ।
पछिल्लो २४ घण्टामा २ हजार ६८८ जना कोरोना संक्रमित निको भएर घर फर्केका छन् । हालसम्म एक लाख ५ हजार ४८८ कोरोना संक्रमित निको भएर घर फर्केका छन् ।
त्यसैगरी, पछिल्लो २४ घण्टामा थप १७ जना कोरोनासंक्रमितको मृयु भएको मन्त्रालयका प्रवक्ता डा जागेश्वर गौतमले जनाए । योसँगै नेपालमा कोरोना संक्रमणका कारण मृत्यु हुनेको संख्या ८२९ पुगेको छ ।
नेपालमा हाल २९० जना आइसीयूमा रहेका छन् भने ६९ जनाको भेन्टिलेटरमा राखेर उपचार भइरहेको छ ।
