काठमाडौं । पछिल्लो २४ घन्टामा नेपालमा कोरोना भाइरसबाट थप ३ हजार ७ सय ९० जना संक्रमित भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको संख्या १ लाख ३६ हजार ३६ पुगेको छ । उपत्यकामा मात्र २ हजार ३ सय ८८ जना कोरोनाभाइरस संक्रमित थपिएका छन् ।
हाल ४० हजार ७ सय ७८ जनामा कोरोना भाइरसको संक्रमण सक्रिय रहेको छ । जसमध्ये १३ हजार ८ सय ५१ जना संस्थागत आइसोलेशन र २६ हजार ९ सय २७ जना होम आइसोलेशनमा रहेको मन्त्रालयका प्रवक्ता डा. जागेश्वर गौतमले जानकारी दिए ।
यसैगरी २४ घन्टाभित्र २ हजार ३ सय ३५ जना कोरोना सनाक्रमित निको भएर घर फर्केका छन् । हालसम्म नेपालमा ९४ हजार ५ सय एक जना कोरोना संक्रमित निको भैसकेको मन्त्रालयले जानकारी दिएको छ ।
पछिल्लो २४ घन्टामा थप १८ जना कोरोना सनाक्रमित्को मृत्यु भएको छ । योसंगै अहिलेसम्म नेपालमा कोरोनाका कारण ज्यान गुमाउनेको संख्या ७ सय ५७ पुगेको छ ।
