अफ्रिका । गैरआवासीय नेपाली संघ अफ्रिका क्षेत्रीय राहत कोषले कोरोनाका संक्रमणबाट अफ्रिकामा मृत्यु भएका व्यक्तिको परिवारलाई एक एक लाखको दरले सहयोग गर्ने भएको छ । अफ्रिकाका नियालसन बखिम लिम्बुका परिवारलाई एक लाख र युगान्डामा मृत्यु भएका यजेन्द्र प्रताप सेन ठकुरीको परिवारलाई कोषको तर्फबाट एक लाख सहयोग गर्ने निर्णय गरिएको हो ।
उक्त सहयोग मध्य पचास हजार कोषको खाताबाट र पचास हजार संघका अफ्रिका क्षेत्रीय संयोजक रोशन थापाले व्यक्तिगत रुपमा कोष मार्फत सहयोग गर्ने बताइएको छ । एनआरएनए अफ्रिका राहत कोषका संयोजक हिक्मत थापाले अफ्रिकाका नेपालीहरुको आपतकालीन सहयोगका लागि स्थानीय नेपाली बाट स्थापित कोषले तत्काल परिवारलाई थोरै भए पनि सहयोग पुर्याउने निर्णय गरेको जानकारी गरे ।
सहयोगको लागि एनआरएनएका अफ्रिका संयोजक रोशन थापा लगाएत सबै सदस्यहरुलाइ संयोजक थापाले धन्यबाद व्यक्त गरेका छन् । अफ्रिकी मुलुकमा कोरोना संक्रमणका कारण हालसम्म दुई जना नेपालीले ज्यान गुमाइसकेका छन् ।
