लन्डन । भाषा,साहित्य,संस्कृति तथा सम्पदा प्रवर्धन समिति गैर आवासीय नेपाली संघद्वारा आयोजना गरिंदै आएको प्रवासी प्रवाहको उन्नाइसौ श्रृङखला मुक्तक बिशेष सम्पन्न भएको छ । आइतबार सम्पन्न सो कार्यक्रममा वरिष्ठ मुक्तककार एवं नेपाल मुक्तक प्रतिष्ठानका अध्यक्ष रामकाजी कोनेले विश्वभर रहेका नेपालीको पीडालाई प्रस्तुत गरे ।
आफ्ना लाला बाला त्यागेर मुग्लान पस्नेलाई त्यागी भन्ने कि नभन्ने ? पसिनासंग साटेका डलरलाई योगदान भन्ने कि नभन्ने ? परिवार मात्रै हैन उसको रेमिटेन्सले देशनै चलेको बेला, मृत्यवरण गरि बाकसमा फर्की आउनेलाई सहिद मान्ने कि नमान्ने ? यस्तै जिज्ञासाले भरिएको व्यथालाई अध्यक्ष कोनेले प्रस्तुत गरे ।
एनआरएनएको साप्ताहिक कार्यक्रम प्रवासी प्रवाहको अनलाइन श्रृङखलामा प्रवासका पीडा , देशको अवस्था , कोराना कहर र माया प्रीतिका कुरा लगातार मुक्तकमा बगिरहे र स्रोताहरुका लागि निरन्तर कर्णप्रिय बनिरहे । रामकाजी कोनेका साथमा प्रवासका प्रभावी मुक्तककारहरु कोरियाबाट रामचन्द्र शर्मा, अमेरिकाबाट आनन्द श्रेष्ठ , कतारबाट सोतन्त्र नेपाल , रोमानियाबाट युवराज लामिछाने र इजरायलबाट सुचित्रा खनिया ।
यसैगरी मुक्तकमै मिठास भर्नामा तल्लिन रहे संचालकहरु नृपेश उप्रेतीले लन्डन र भगवती बस्नेत काठमाडौंबाट । चोटिलो पोटिलो मुक्तक बिधा नेपाली साहित्यमा लोकप्रिय र बिश्वब्यापी हुँदै गएकोमा आफू मक्ख परेको अनुभव सुनाउदै कोनेले फेरि एनआरएन र प्रवासी प्रवाहलाई धन्यवाद दिंदै भने ‘नेपाली साहित्यको सुगन्ध संसार भर फैलिदै गरोस’ ।
कार्यक्रम पूरै अंश सुन्नको लागि कृपया एनआरएन साहित्यको यो लिन्क्कमा जानु होला ।
