एजेन्सी – बलिउडका केही अभिनेताहरुले विवाहपछि पनि अभिनेत्रीसँग अफेयर राखेका थिए । जसले गर्दा उनीहरु निकै चर्चामा रहे । उनीहरुले आफ्ना श्रीमतीलाई धोका दिए तर उनीहरुकी श्रीमतीले उनीहरुलाई माफ गरिदिएका थिए ।
आदित्य पंचोली
आदित्यले अभिनेत्री जरीना वहाबसँग विवाह गरेका थिए । विवाहपछि आदित्यको सम्बन्ध पूजा बेदीसँग पनि रह्यो । पूजा र आदित्य एक अर्कासँग डेट गर्न सुरु गरे । केही समयपछि ब्रेकअप पनि भयो । त्यसपछि आदित्य पुनः कंगना रनौतसँग प्रेमसम्बन्धमा रहेको चर्चा चल्यो । उनीहरुको सम्बन्धको अन्त्यमा भएको विवाद अझै समय समयमा बल्झिरहन्छ । आदित्यका केही अफेयरका बावजुद पनि उनी पत्नी जरीनाले उनलाई साथ दिइरहेकी छन् ।
राज कपूर
राज कपूरलाई बलिउडमा ‘शोम्यान’ को नामले पनि चिनिन्छ । उनले सन् १९४६ मा कृष्णा मल्होत्रासँग विवाह गरेका थिए । त्यसपछि राजले राजकपूर नरगिस दत्तसँग प्रेम गरे । सुत्रका अनुसार उनीहरु एक अर्कासँग निकै प्रेम गर्थे । भारतीय सिनेमाको इतिहासमा राजकपूर र नरगिसको प्रेमसम्बन्धलाई निकै अमर रहेको छ । नरगिससँग सम्बन्ध टुटेपछि राज निकै दुखी भएका थिए । उनको अफेयरपछि पनि राजकी श्रीमतीले उनलाई स्वीकार गरे ।
अमिताभ बच्चन
अमिताभ बच्चनको नाम आज पनि बलिउडकी सदाबहार सुन्दरी रेखासँग जोडिन्छ । रेखा र अमिताभको प्रेमकहानी थाहा नहुने कमै छन् । रेखा र अमिताभ बच्चनको पहिलो भेट फिल्म ‘दो अंजाने’ को सेटमा भएको थियो । अमिताभले जया बच्चनसँग विवाह गरे । तर अमिताभ रेखाको प्रेमकहानीको चर्चा धेरै छ बलिउडमा । यी दुईले बलिउडमा निकै हिट फिल्म दिएका छन् । फिल्म ‘सिलसिला’ रेखा, अमिताभ र जयाको वास्तविक जीवनमा आधारित भएको पनि बताइन्छ । रेखा र अमिताभको सम्बन्धको बारेमा जानकारीपश्चात पनि जयाले अमिताभलाई स्वीकार गरिन् ।
गोविन्दा
गोविन्दाले सन् १९८७ मा सुनीता आहूजासँग विवाह गरेका थिए । बलिउडमा गोविन्दा र रानी मुखर्जीको जोडी निकै चर्चित थियो । फिल्ममा काम गर्दागर्दै दुवै एकदमै नजिक भए । रानी र गोविन्दाको प्रेम निकै गहिरो हुँदाहुँदै पनि गोविन्दाले रानीसँग ब्रेकअप गरे । यी दुईको भेट फिल्म ‘हद कर दी आपने’ मा भएको थियो ।
शाहरुख खान
रोमान्सका राजा मानिने अभिनेता शाहरुखको विवाह गौरी खानसँग भएको हो । उनीहरुको वैवाहिक जीवन निकै राम्रो चलिरहेको छ । तर फिल्म ‘डन’ को शुटिङसँगसँगै शाहरुख खान र प्रियंका चोपडा एकअर्कासँग निकै नजिक भए । प्रियंकासँग सम्बन्ध भएको थाहा पाएपछि गौरी खानले प्रियंकासँग काम गर्न दिइनन् । र यी दुईले पुनः वैवाहिक जीवनलाई एक साथ अगाडि बढाउन थाले ।
