काठमाडौँ । पछिल्लो २४ घण्टाभित्र नेपालमा थप १ हजार २ सय २८ जनामा कोरोना संक्रमणको पुष्टि भएको छ । काठमाडौंमा ३ सय ५७, ललितपुरमा ४६ र भक्तपुरमा ४२ जना गरि उपत्यकामा मात्र ४ सय ४५जना संक्रमित भएका छन् ।
संक्रमित हुनेमा ३ सय ९४ महिला र ८ सय ३४ जना पुरूष रहेको स्वास्थ्य तथा जनसङ्ख्या मन्त्रालयका प्रवक्ता जागेश्वर गौतमले जानकारी दिएका छन् । योसंगै नेपालमा कोरोना संक्रमितको संख्या ४२ हजार ८ सय ७७ पुगेको छ ।
पछिल्लो २४ घण्टामा १३ हजार ४ सय १३ जनामा परीक्षण कोरोना परीक्षण गरिएको छ । हाल नेपालमा सक्रिय संक्रमितको संख्या १८ हजार ४ सय १३ रहेको छ । यसैगरी आइसोलेशनमा १० हजार ६ सय ७१ र होम आइसोलेशनमा ७ हजार ७ सय ४२ जना रहेका छन् ।
पछिल्लो २४ घण्टामा ९ सय १७ जना कोरोना संक्रमित निको भएर घर फर्केका छन् । योसंगै नेपालमा कुल डिस्चार्ज भएकाहरूको संख्या २४ हजार २ सय ७ पुगेको छ । बितेको २४ घन्टामा थप ६ जना कोरोना संक्रमितको मृत्यु भएको छ । योसंगै नेपालमा कोरोनाको संक्रमणबाट मृत्यु हुनेको कुल संख्या २ सय ५७ पुगेको छ ।
