लन्डन । बेलायतको प्रतिष्ठित सम्मान भिक्टोरिया क्रस विजेता स्व. तुलबहादुर पुनको नाममा बेलायतमा एक रेल सेवा संचालन हुने भएको छ । दोस्रो विश्व युद्ध अन्त भएको ७५ वर्ष पुगेको अवसरमा बेलायतको ग्रेट वेष्टर्न रेल्वे सेवाले भिक्टोरिया क्रस विजेता पुनको सम्मानमा उक्त कुराको घोषणा गरेको हो ।
नोभेम्बर ११ का दिन पर्ने रेमेम्बरेन्स डे का दिन ट्रेनको नामाकारण घोषणा गरिने ग्रेट वेष्टर्न रेल्वेले बताएको छ । २१ वर्षको उमेरमा दोस्रो विश्वयुद्धका बखत भारतीय सेनामा रहँदा देखाएको बहादुरी र साहसka कारण उनलाई भिक्टोरिया क्रसबाट सम्मान गरिएको थियो । सन् १९४४ मा बर्माको रेल्वे ब्रिज आक्रमणमा आफ्ना पुरै प्लाटून खत्तम हुँदा पनि उनि एक्लैले दुश्मनलाई परास्त गरि बहादुरी देखाएका थिए ।
लण्डन । बेलायतको एक रेल सेवा ग्रेट वस्टन रेलवेले भिक्टोरिया क्रसप्राप्त स्वर्गीय तुलबहादुर पुनको नाममा रेलसेवा नामकरण गर्ने भएको छ । दोस्रो विश्वयुद्ध सकिएको ७५ वर्ष पुगेको उपलक्ष्यमा उनको सम्मानस्वरूप नाम उल्लेख गर्ने उक्त रेलसेवाले जानकारी दिएको छ ।
उक्त रेलसेवाका सञ्चार शाखाका एक अधिकृत डान पान्सले यसअघि अन्य व्यक्तिहरूलाई सम्मान गरिसकेको र यो पटक तुलबहादुर पुनलाई सम्मान गर्ने बताए । उनले पुनलाई सम्मान गर्न पाउँदा हर्षित भएको बताए ।
गोर्खा वेलफेयर ट्रष्टका एडम वेन्थमले गोर्खा सैनिकले महत्वपूर्ण भूमिका निर्वाह गरेको बताए । उनले बर्मामा मात्रै सात वटा भिसी प्राप्त भएको भन्दै भिसी पाउनेमा तुलबहादुर पुन पनि एक रहनुभएको उल्लेख गरे । उनले भने, “हाम्रो देशले गोर्खाहरूको धेरै ऋण तिर्न बाँकी छ, यो सम्मानलाई सच्चा सम्मानका रूपमा लिएका छौँ ।”
गोर्खाहरूको मागलाई बेलायत सरकारसामु राखी त्यसलाई निरन्तर रूपमा दवाब दिने ट्रष्टका संरक्षक जोअना लुम्लेले आफ्ना बुबासँग बर्मामा एकसाथ लडेका भिसी तुलबहादुर पुन र लछिमान गुरुङसगँको भेट कहिलै भुल्न नसक्ने र स्वतन्त्रताका लागि आफ्नो जागिरभन्दा माथि उठेर गरेको योगदानप्रति बेलायतीहरू ऋणी रहेको बताए ।
जीवनको पछिल्लो समय पुनले भूपू गोर्खाहरूको परिवारलाई बेलायतमा बस्न दिनुपर्छ भन्ने अभियानको नेतृत्व गर्ने लुम्लेसँगै अग्रपङ्तिmमा रहेर काम गरेका थिए । पुनको जन्म २३ मार्च १९२३ मा म्याग्दी जिल्लामा भएको थियो भने मृत्यु २० अप्रिल २०११ मा पर्वतमा भएको थियो ।
