काठमाडौं । नेपालमा थप ७ सय ४३ जनामा कोरोना संक्रमणको पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
संक्रमितमध्ये काठमाडौंमा १ सय ७७, ललितपुरमा ३३ र भक्तपुरमा १४ गरी उपत्यकामा २ सय २४ जनामा संक्रमण पुष्टि भएको छ । योसँगै नेपालमा कुल संक्रमितको संख्या ३२ हजार ६ सय ७८ पुगेको छ ।
पछिल्लो २४ घण्टामा १० हजार २ सय ३४ जनामा कोरोनाको परीक्षण गरिएको मन्त्रालयले जनाएको छ । पछिल्लो २४ घन्टामा १ सय ७५ जना कोरोना संक्रमित निको भएर घर फर्किएका छन् ।
निको भएर घर फर्किनेको कुल संख्या १८ हजार ८ सय ६ पुगेको छ। हाल संक्रमितमध्ये निको हुने दर ५८ प्रतिशतमा झरेको छ । हालसम्म सक्रिय संक्रमितको संख्या १३ हजार ७ सय १५ रहेको प्रवक्ता गौतमले जानकारी दिएका छन् ।
तेस्तै आइसोलेशनमा ९ हजार १ सय ५४ र होम आइसोलेशनमा ४ हजार ५ सय ६१ जना रहेका छन् ।
पछिल्लो २४ घण्टामा कोरोना भाइरसबाट सुनसरीका १, मोरङका १, पर्साका १, काठमाडौंका १, रुपन्देहीका ४ जना गरी ८ जनाको मृत्यु भएको मन्त्रालयले जानकारी दिइएको छ ।
योसँगै नेपालमा कोरोना भाइरसका कारण मृत्यु हुनेको कुल संख्या १ सय ५७ पुगेको छ । पछिल्लो समयमा कोरोना संक्रमित तथा मृतकको संख्या बढ्दै गएको छ
